Министерот за транспорт и врски Благој Бочварски лично им се заблагодари на инженерите, работниците и експертите кои преземаа активности за реконструкција на железничкиот мост на реката Црна кај Градско, поради чие оштетување немаше транспорт на железницата од 14 ноември.

Честитки за вредните инженери, градежни работници и професори кои за 35 дена преземаа комплексна градежна активност за реконструкција на носечкиот столб на железничкиот мост кај Градско – напиша Бочварски на Фејсбук.

Железничкиот сообраќај на пругата Велес-Гевгелија беше во прекин од 14 ноември минатата година поради оштетување на столбот. Изведувачот на градежните работи фирмата „Синтек инженеринг“ од Скопје која ги започна работите на 29 ноември со рок од 45 дена ги заврши една недела предвреме.

На истиот Железен мост на Црна Река кај Стоби пред четири години беше оштетен, првиот столб, и во периодот од 29 септември 2018 до 8 ноември железничкиот сообраќај беше исто така во прекин.

МЖ Инфраструктура и МЖ Транспорт информираат дека имале загуба од 1,2 милиони евра, а најновата загуба поради 52 дневното не сообраќање на товарните возила допрва треба да се пресмета.

Поради напукнат столб на мост на железничката пруга сообраќајот од Градско до Криволак се одвива со автобус