Бо Дерек: Првиот партнер го разведе од Линда Еванс, а денес нејзин сопруг е „Ејден“ на Кери Бредшо
Кога се појави во филмот „Десет“ во 80-тите, сите жени сакаа да бидат како неа, а сите мажи полудеа по актерката. Сепак, таа никогаш не била особено поласкана од титулата секс симбол, но поради својот атрактивен изглед, Дерек брзо го освои Холивуд и стана ѕвезда.
Препорачано
View this post on Instagram
Бо Дерек (64), американска актерка и поранешен модел, е родена како Мери Кетлин Колинс во Лонг Бич – Калифорнија во 1956 година. На почетокот на нејзината кариера работеше како фото модел, а животот ѝ се промени кога се сретна со режисерот Џон Дерек на една аудиција.
Кога се вљуби во него, таа имаше само 16 години, а тој беше 30 години постар од неа. Џон се разведе од актерката Линда Еванс или попозната како Кристл Карингтон , тогашната ѕвезда на „Династија“. Две години по запознавањето на убавата Бо, парот се венчаше во 1976 година. Во едно интервју. За бракот со славниот режисер, таа рече: „Бев многу млада, но исто така, факт е дека бев и причина за распадот на бракот меѓу Линда и Џон. Тоа беше погрешна одлука. Научив дека никогаш, никогаш повеќе нема да го направам тоа“.
View this post on Instagram
Тие соработуваа заедно, меѓу другото и во еротскиот филм „Болеро“, кој помина многу лошо и кај публиката и кај филмските критичари. Имено, овој филм се смета за едно од најлошите и најконтроверзните достигнувања некогаш снимени.
По овој филм, таа глумеше во „Духовите не можат да го сторат тоа“, „Жена на копнежот“ … но здравјето на нејзиниот сопруг стануваше сè послабо. Откако тој преживеа срцев удар, таа реши повеќе да му се посвети нему и остана со него до неговата смрт во 1998 година.
View this post on Instagram
Подоцна глумеше во Телевизиски остварувања, но во 2002 година го запозна нејзиниот сегашен партнер, актерот Џон Корбет, кого го паметиме како Ејден од серијата „Сексот и градот“. Неодамна Џон и Бо Дерек се венчале во тајност, по 18 години врска. Веста ја откри Џон, во интервју со Џери О’Конел.
