Американскиот државен секретар Ентони Блинкен изјави дека Соединетите Американски Држави им доставувале оружје на украинските власти уште пред почетокот на војната во Украина, изјави американскиот државен секретар Ентони Блинкен во интервју за „Њујорк Тајмс“.

Ако го погледнете развојот на конфликтот, ќе видите дека предвидовме што ќе се случи и успеавме да обезбедиме  не само ние и нашите сојузници да сме подготвени, туку и Украина да е подготвена. Веќе во септември и повторно во декември испративме големо количество оружје во Украина за да го има тоа што и треба за одбрана, нагласи Блинкен.

Тој особено ја истакна важноста на испораките како што се ракетните системи „стингер“ и „џавелин“, кои, според него, биле клучни за спречување на руските сили да го окупираат Киев.

Ова оружје и овозможи на Украина не само да се одбрани, туку и да ги потисне руските сили, додаде Блинкен.

Запрашан дали мисли дека е време војната да заврши, Блинкен истакна дека тоа е одлука која треба Украинците да ја донесат.

Не се работи за тоа дали Украина ќе мора да ѝ отстапи некои области на Русија. Поентата е дека линијата веројатно нема значително да се помести во догледна иднина. Правото на Украина на таа територија секогаш ќе постои. Прашање е дали ќе најдат начин со поддршка од други да ја вратат изгубената територија. Малку е веројатно дека Путин ќе се откаже од своите амбиции. Ако има примирје, во умот на Путин тоа примирје најверојатно ќе биде можност за одмор, обнова и удар повторно во одреден момент во иднината, рече Блинкен.