Не сакам да лицитирам со проценти  додека преговараме. Останувам на ставот дека сите вработени во јавниот и приватен сектор заслужуваат достоинствени плати со зголемена продуктивност и ефикасност на нивните работни места, изјави вицепремиерот за економски прашања Фатмир Битиќи.

Битиќи посочи дека преку дијалогот секако ќе добијат одредено зголемување, а со новата методологија за плати, еднаш засекогаш нема да има преговори и уцени.

Ќе добијат нова методологија за плати, една засекогаш за да никогаш нема преговори и уцени без разлика на оваа или друга власт што ќе дојде и нормално, најверојатно ќе постигнеме согласност за исплата на К-15 и тоа да биде дел од општиот колективен договор. Моето очекување е дека наредната недела треба да имаме договор за општиот колективен договор со сите дефинирани моменти и понатму тоа да биде поттик за секој еден во јавниот сектор да биде во служба на граѓаните, како и приватните компании кои го генерираат развојот на нашата земја – додава Битиќи.