Фатмир Битиќи, поранешниот министер за финансии во синоќешното гостување на ТВ24 рече дека штетата што ја претрпел од грабежот на сефот во неговиот дом во Бутел, според негови проценки, е околу 50 илјади евра.

-Вистината е на барањето на службените лица за да се направи целокупната материјална штета (од кршење на врата, земање на сефот и тоа што имало внатре), дефиниравме некоја сума од отприлика 50 илјади евра на целата штета. Од финансиски средства, во сефот немало ниту 10% од таа сума која што се спомнува. Другото е емотивно – накит на сопругата кој што го има донесено од баба ѝ, мајка ѝ…Во моментов е непроценливо. Јас со цела одговорност тврдам што имало внатре, додаде екс-вицепремиерот.

Кражбата се случила во периодот од 18 до 21 април, во период додека функционерот и семејството не биле дома за празниците. Непознати сторители насилно влегле во објектот, со употреба на алат и сила ја скршиле вратата и биле украдени сеф и други вредни предмети.