За Владата економскиот развој кон кој стремиме започнува на локално ниво, истакна вицепремиерот за економски прашања Фатмир Битиќи на промоцијата на винскиот туризам во кавадаречко.

Имено компанијата Тиквеш вински туризам инвестира 315 илјади евра во нови туристички капацитети во винската микро локација Барово. Средствата се обезбедени дел преку проектот за локална и регионална конкурентност на Владата и ЕУ што се администрира преку Светска банка.

„Затоа Владата секогаш ќе подежува инивијативи кои овозможуваат искористување на огромните потенцијали во туризмот што ги има нашата земја“, рече вицепремиерот Битиќи.

Ова е дел од педесетина проекти финасирани од ЕУ преку програмата ИПА 2 во вредност од 18 милиони евра и 3,1 од Владата на Македонија.