На економски форум во Владивосток, рускиот претседател Владимир Путин упати остро предупредување до Западот: „Немојте ни да помислувате да испраќате војници во Украина“, вклучувајќи ги и мировниците. Најавата предизвика аплауз од присутните функционери и бизнис лидери, што уредникот на Би-би-си за Русија, Стив Розенберг, го оцени како „доста застрашувачки“.

Путин истакна дека ако западни војници се појават во зоната на конфликтот, тие ќе бидат легитимни цели за уништување. Претседателот на Русија, исто така, изјави дека е подготвен да се сретне со украинскиот претседател Володимир Зеленски, но само во Москва, што на меѓународната сцена беше оценето како „лекомислен предлог“.

Според Розенберг, ова ја сумира стратегијата на Кремљ – Русија сака мир, но само под свои услови.

Кремљ се чувствува сигурно поради воената позиција на бојното поле, дипломатските успеси и недостатокот на ефективен притисок од страна на САД и западните сојузници.

Во меѓувреме, Украина и Европа се фокусираат на прекин на борбите, обезбедување безбедносни гаранции и зајакнување на украинската армија за спречување на идни инвазии.

Би-Би-Си заклучува дека перспективата за мир останува неизвесна, со два „различни тунела“ – рускиот пат кон победа и украинско-европскиот пат кон стабилност.