Поранешниот лидер на ирското националистичко движење и политичко крило на милитантната ИРА, Шин Фејн, го доби судскиот спор против британскиот јавен радиодифузер „Би-би-си“ поради документарец во кој се тврди дека го одобрил убиството на информатор на британската тајна служба МИ5 во 2006 година, пишува „Гардијан“.

Поротата во Високиот суд во Даблин пресуди во корист на Гари Адамс во петокот, по многу објавеното судење кое детално ја објасни неговата наводна вмешаност во терористичката организација ИРА и неговата улога за време на конфликтот во Северна Ирска. На Адамс му беа доделени 100.000 евра отштета, пишува Гардијан.

За време на четиринеделното судење, адвокатите на Адамс ја обвинија Би-Би-Си за „сериозна клевета“ и „пристрасно оцрнување“. „Би-би-си“ го бранеше документарецот, тврдејќи дека тужбата е обид на Адамс да се оцрни радиодифузерот во очите на јавноста.

Поранешниот пратеник од западен Белфаст рече дека документарецот на британскиот јавен сервис и придружната онлајн статија во 2016 година го наклеветиле тврдејќи дека го одобрил убиството на Денис Доналдсон, поранешниот функционер на Шин Фејн кој беше застрелан во округот Донегол, месеци откако призна дека со децении бил информатор на полицијата и МИ5. Ова за Адамс го тврдел анонимен извор познат само како „Мартин“.

Адвокатите на Адамс го обвинија „Би-би-си“ за „неодговорно новинарство“ и „неоснован напад“ врз човек на кого му се припишува клучна улога во мировниот процес што го заврши конфликтот во 1998 година.

Би-Би-Си соопшти дека известува во добра намера и дека тврдењето е претставено како тврдење, а не како факт, и дека е потврдено од пет други извори, вклучувајќи ги и безбедносните служби. Адвокатите на британските медиуми тврдеа дека Адамс, со оглед на тоа што бил перцепиран како командант на ИРА за време на конфликтот, „има малку репутација за губење“ и дека каква било штета би била „сурова шега“.