Според известување добиено од ЕВН Македонија, Регионалниот центар за управување со кризи (РЦУК) информира дека денеска, ќе има планирани прекини во снабдувањето со електрична енергија во неколку општини во Скопскиот регион.

Од 8:30 до 12:30 часот без струја ќе бидат корисниците на улицата „Тодор Чангов“ – крак 49 во општина Аеродром, како и жителите на селата Кожле, Летевци, Бадар, Горно Блаце, Катланово и Градманци во општина Петровец.

Во периодот од 9:00 до 12:00 часот, прекин во снабдувањето ќе имаат и дел од корисниците во село Мршевци, како и деловните објекти на фирмите „Фреш Фарм“, „Солар Ентра“, „Мијак“, „Си Мао“ и „Солант“. Без електрична енергија ќе останат и корисниците од селата Бунарџик и Ајватовци во општина Илинден.

Од 10:00 до 14:00 часот струја ќе нема и на дел од улицата „Нерешка“ во општина Карпош.