Пристап на легендарниот стадион ќе имаат само 150 лица, од кои десетина ќе бидат претставници на организаторот на Игрите, од Токио. Веднаш кога ќе заврши свечената церемонија ќе се затвори и прес-центарот, за да се спречи собир на поголем број на луѓе во затворен простор.
Генералната проба е предвидено да се одржи во среда и тоа без присуство на новинари.

Минатата недела организаторите на Игрите во Токио забранија доаѓање на 340 деца на свеченоста на палење на олимпискиот оган, додека во недела грчкото министерство за здравство објави дека во наредните две недели забранува одржувањето на спортски настани со присуство на гледачи, а исто така ги забрани и школските излети.