Бесплатни пулмолошки прегледи за жителите на Трубарево по пожарот со електронски отпад
Министерството за здравство, во соработка со Универзитетската клиника за пулмологија и алергологија, организира дводневен преглед на жителите на Трубарево и околните места по пожарот во објект за електронски отпад. Прегледите ќе се спроведат денеска и утре, соопштија министерот Азир Алиу и директорот на Клиниката, Оливер Зафировски.
Препорачано
Две медицински екипи со амбулантни возила ќе вршат комплетен клинички преглед, спирометрија, ЕКГ и други потребни испитувања. Прегледите се бесплатни и наменети за сите жители, особено за оние кои имаат потешкотии со дишењето или симптоми што укажуваат на заболувања на дишните патишта.
Пулмолози ќе ги прегледуваат жителите на Трубарево, да се пријават оние со потешкотии во дишењето
– Нашата цел е да обезбедиме врвна здравствена грижа и навремено да ги детектираме евентуалните симптоми кај граѓаните. Ако е потребно, дополнителните испитувања ќе се направат на лице место или пациентите ќе бидат упатени на Клиниката за пулмологија – изјави министерот Алиу.
Возилата ќе бидат поставени кај маркетите „Бренд“ и „Флорида“.
