Холивудскиот шармер Џорџ Клуни пред осум години застана на „лудиот камен“ и во Венеција се ожени со адвокатката за човекови права Амал Аламудин (денес Клуни), која беше една од најочекуваните венчавки во шоу-бизнисот. Актерот конечно откри како ја запросил својата сакана.

Клуни вчера гостуваше во новата епизода на шоуто на Дру Баримор, каде зборувал за запросувањето на неговата сопруга Амал. Актерот ја опишал својата понуда за брак на Амал како „катастрофа“, бидејќи адвокатката првично мислела дека прстенот со дијамант од седум карати ѝ припаѓал на една од неговите поранешни девојки.

„Беше катастрофа, ја испланирав целата работа. Имам прстен во мала фиока зад неа, подготвив вечера и се забавувавме околу шест месеци“, рече тој.

Актерот објасни како планирал Амал да земе нешто од фиоката во која се наоѓал прстенот додека ја свирел песната Why Shouldn’t I. Меѓутоа, работите брзо тргнале наопаку кога Амал го видела прстенот и помислила дека е на една од поранешните девојки на Клуни. .

„Некако ја отвори малата фиока, а внатре имаше дијамантски прстен. Таа погледна и рече: „Ах, има еден прстен. Изгледа некој го оставил таму пред неколку години“. А јас бев на колена…“, продолжи оскаровецот и додаде дека Амал се смешкала. По 20 минути, се присетува Клуни, Амал конечно кажала да.

Свадбената церемонија се случила пет месеци по хаотичното запросување пред нивните најблиски пријатели и семејството на раскошна церемонија во Италија.