Поранешниот сопственик на италијанскиот фудбалски клуб Милан, Силвио Берлускони почина на 86-годишна возраст. Покрај тоа што беше политичар и медиумски магнат, Берлускони повеќе од три децении беше претседател на еден од најтрофејните фудбалски клубови во светот.

Милан освои 29 трофеи за 31 година под водство на Берлускони како претседател и сопственик. Беше фан на „Росонерите“ уште како дете, одеше на натпревари со својот татко, а откако многу успешно ја основал и водел својата медиумска компанија „Медиасет“, стана претседател на Милан во 1986 година, кога клубот беше на ниски гранки.

Former AC Milan owner Silvio Berlusconi has passed away aged 86.

AC Milan won 29 trophies in 31 years under Berlusconi as president and owner.

RIP ?️ pic.twitter.com/iPJmWUil7u

— Fabrizio Romano (@FabrizioRomano) June 12, 2023

„Сакам Милан да стане најдобриот тим на светот“ – беше желбата на Берлускони кога ја презеде функцијата прв човек на „росонерите“ и на крајот успеа во својата намера.

Како сопственик на Милан, тој успеа во клупските витрини осумпати да го донесе Скудетото, пет титули освои во Лигата на шампионите, седум во италијанскиот Суперкуп, петпати беше најдобар во европскиот супер куп, трипати го освои светското клупско првенство и има еден трофеј во Купот на Италија.

Неговиот мандат во Милан траеше од 1986 до 2017 година, човек кој во вистинска фудбалска смисла не гледаше на цената, само за да ги има играчите што ги посакуваше за доброто на клубот.

Со неговите пари беа доведени играчи како Ван Бастен, Жорж Веа, Андриј Шевченко, Кака, кој ја освои „Златната топка“, како и десетици други кои подоцна ја испишаа историјата не само на италијанскиот, туку и на европскиот и светскиот фудбал.

Според многумина едни од најдобрите играчи под раководство на Берлускони: Себастијано Роси, Дида, Џовани Гали, Мауро Тасоти, Кафу, Алесандро Неста, Алесандро Костакурта, Франко Барези, Филипо Гали, Паоло Малдини, Марсел Десаи, Масимо Амброзини, Карло Анчелоти, Франк Рајкард, Деметрио Албертини, Андреа Пирло, Кларенс Сидорф, Роберто Донадони, Кака, Дејан Савичевиќ, Руд Гулит, Жорж Веа, Андриј Шевченко, Филипо Инѕаги, Марко Ван Бастен.

На оваа листа може да се додадат и имиња како Руи Кошта, Кристиан Абијати, Какха Каладзе, Џенаро Гатузо, Јон Дал Томасон, Кристиан Панучо, Роберто Баџо, Оливер Бирхоф, Звонимир Бобан…

Поранешниот сопственик на „росонерите“ беше занесен со својот тим до тој степен што понекогаш сакаше да диктира како треба да игра тимот, поради што понекогаш се судри со своите тренери.

Откако мораше да го продаде Милан поради финансиски проблеми и проблеми со законот, ја презеде функцијата прв човек на Монца, клуб кој со Берлускони започна од Серија Ц, го постави на здрави темели, па избори промоција во Серија Б, а за првпат во 110 години историја влезе и во Серија А во 2022.