Германската министерка за надворешни работи Аналена Бербок изјави денеска дека САД не треба да ѝ веруваат на „тактиката на одложување“ на рускиот претседател Владимир Путин кога станува збор за прекин на огнот во Украина.

„На претстојниот состанок на министрите за надворешни работи на НАТО, јасно ќе ѝ ставиме до знаење на американската страна дека не треба да се вклучуваме во тактиката на одложување на Путин“, рече таа во Киев.

Таа посочи дека Путин „се преправа“ дека е подготвен да преговара, „но не мрда ни милиметар од позицијата во која се наоѓа“, пренесува Ројтерс.