Американскиот тенисер Бен Шелтон, ја освои титулата на турнирот во Торонто, Канада, откако во финалето го победи 16. играч на светот, Карен Хачанов, по три сета со 6:7, 6:4, 7:6.

Седмиот светски рекет дојде до триумфот во мечот кој траеше два часа и 48 минути.

Шелтон двапати направи брејк, додека Хачанов освои еден брејк. Американецот постигна 16 аса, додека Хачанов освои три поени директно од сервис.

Ова е трета АТП титула на Шелтон во неговата кариера. Тој стана најмладиот Американец што освоил титула од Мастерс 1.000 по Енди Родик пред две децении.

– Играв најдобро што можев кога беше важно. Издржав сè и победив. Ги покажав сите квалитети што сакам да ги имам – рече Шелтон по освојувањето на турнирот во Торонто.