Актерката Џенифер Гарнер и нејзиниот поранешен сопруг, актерот Бен Афлек, во последно време поминуваат многу време заедно, а тој наводно е „отворен“ за обновување на нивната врска. Сепак, Гарнер не ја интересира тоа, како што неодамна изјавија извори за „Пејџ сикс“.

Гарнер, која е во врска со Џон Милер од 2018 година, е среќна со своето момче и не планира да се смири со Афлек.

„Џен има одлична кородителска врска и тука прекинуваат нештата од нејзина страна“, рекол изворот.

Друг извор рече дека Афлек би сакал да добие втора шанса за врската со Гарнер.

„Тој е подготвен да се обиде повторно“, истакна изворот и додаде дека Афлек знае дека романтичната врска меѓу него и Гарнер „не е реална во овој момент од нивниот живот“.

„Бен штотуку излезе од бракот и го финализираше разводот со Џенифер Лопез, тој е зафатен со работа и е фокусиран на новото поглавје. Плус, Бен ја почитува нејзината врска со Џон и никогаш не би се нашол меѓу нив“, рекол изворот.

Странските медиуми претходно објавија дека Афлек и Гарнер се „поблиски од кога било“ по неговиот развод со Џенифер Лопез. Гарнер по разводот му пружи утеха на поранешниот сопруг, а пријателството не го кријат од јавноста.

Минатиот викенд тие заедно го прославија 13. роденден на синот Семјуел, а во еден момент Афлек ја фати поранешната сопруга за половината, што многумина ги натера да се запрашаат дали има шанси да се вратат заедно.

Поранешниот пар беше во брак од 2005 година, се разделија во 2015 година, а разводот го финализираа во 2018 година. Заедно имаат три деца – Семјуел, Вајолет и Серафина.

По пожарите во Лос Анџелес, Бен Афлек и Џенифер Гарнер се сè поблиски, а момчето на актерката се чувствува како „трето тркало“