Припадници на Министерството за внатрешни работи на Србија во во рамки на акцијата „Гнев“, во соработка со Царинската управа, во Белград запленија околу 38 килограми марихуана и го уапсија Б.Б. (1975) под сомнение за сторено кривично дело неовластено производство и трговија со дрога.

При претрес на автомобилот „нисан“ управуван од осомничениот, откриени се специјално направени бункери во кои биле пронајдени 86 пакувања марихуана, тешки вкупно околу 38 килограми.

Осомничениот е притворен во период од 48 часа, по што заедно со кривична пријава ќе биде изведен пред Вишото јавно обвинителство во Белград.