Белгискиот принц Јоаким (28), кој се зарази со коронавирус откако присуствуваше на забава во Шпанија, е казнет со 10.400 евра заради кршење на мерката за карантин.

Тој е казнет бидејќи по пристигнувањето во Шпанија на 24 мај не го испочитувал 14-дневниот карантин, туку два дена подоцна присуствувал на забава во Кордоба, пренесува Би-Би-Си.

Иако се извинил за своето однесување, тој ќе мора да ја плати казната, која ќе се намали за 50 отсто доколку ја плати во рок од 15 дена. Принцот Јоаким е внук на белгискиот крал Филип и е десетти во редот за наследување на тронот.