Голманот Тибо Куртоа потврди дека се враќа помеѓу стативите на белгиската репрезентација.

Ова значи дека чуварот на голот на Реал Мадрид ќе застане помеѓу стативите во квалификацискиот натпревар за Светското првенство во кој Белгија ќе гостува во Скопје.

„Паузата беше долга, но сега со гордост најавувам дека се враќам на голот. Максимално сум подготвен да го дадам максимумот за мојата земја. Се соочив со многу проблеми, прво бев повреден, па не бев во добра форма. Сега работите се променети и се надевам на поддршка од навивачите“, изјави Куртоа.

Белгија во Скопје во рамките од мундијалските квалификации ќе гостува на шест јуни оваа година, а во нашата група е уште селекциите на Велс, Казахастан и Лихтенштајн.