Голманот на белгиската фудбалска репрезентација, ќе ги пропушти првите два натпревари од квалификациите за Светското првенство 2026 поради повреда на грбот.

Реал Мадрид објави дека тој има проблеми на долниот дел од грбот што ќе го спречат да тренира целосно во наредните денови.

Реал Мадрид и медицинските тимови на Кралската белгиска фудбалска асоцијација разговараа за проблемот и заклучија дека Куртоа не е подготвен за претстојните меѓународни натпревари.

Повредата би можела да го загрози неговото учество на Светското клупско првенство во САД, каде што Реал Мадрид на 18 јуни ќе игра против Ал Хилал од Саудиска Арабија.

Нордин Јакерс од Клуб Бриж ќе го замени Куртоа во составот на Белгија за натпреварите против Македонија на 6 јуни во Скопје и Велс на 9 јуни во Брисел, а се очекува Матс Селс од Нотингем форест да биде на голманската позиција за тие мечеви.