Актерката Бела Торн застана во одбрана на својот колега Арми Хамер, кој периодов се соочува со обвиненија за бизарни сексуални фантазии и канибализам.

Имено, Бела на својот инстаграм-профил сподели фотографија од него покрај која напиша дека станува збор за ширење лажни информации.

ФОТО | Холивудскиот актер во центар на скандал: Се појавија негови експлицитни пораки за сексуален канибализам

„Искрено, не можам да верувам во ова… Луѓето се луди и го лажираат ова. Жал ми е за него и неговите деца… Оставете ги него и неговото семејство на мир. Нема шанси тој да е е*ен канибал“, напиша 23-годишната актерка, која воедно истакна дека на Интернет кружат милиони „принтскрин“ слики од екран.

Поранешната девојка на актерот, Кортни Вуцековиќ, неодамна откри дека додека била во врска со актерот, тој ѝ рекол дека сака да ја „испече“ и „изеде“.

Хамер своите „груби“ сексуални преференции ги објави во интерјву за „Плејбој“ во 2013 година.

„Ми се допаѓа гребање по вратот и косата и сето тоа. Но, тогаш влегувате во брак и вашите сексуални апетити се менуваат. Мислам, не можете да ја влечете вашата сопруга за коса“, изјави тој, но подоцна тврдеше дека бил пијан за време на интервјуто и дека не се сеќава на ништо.

Хамер поради сегашниот скандал го паузираше и снимањето на филмот со Џенифер Лопез и се повлече од јавноста.

„Во очи на злобните и лажни напади врз мене, не можам со мирна совест сега да ги оставам моите деца на четири месеци за да снимам филм во Доминиканска Република. Лајонсгејт ме поддржува во ова и навистина сум им благодарен“, изјави актерот за „Пејџ Сикс“.