Министерот за економија Крешник Бектеши се согласува со реакциите на граѓаните дека голем дел од производителите не ги намалиле цените, иако користат субвенционирана цена на електрична енергија од државата, токму со таа цел.

Анализите на Министерството покажале дека цените на основните прехранбени производи, благодарение на поевтината струја требале да се намалат од 7 до 17 проценти. Некои тоа го направиле, но некои не. Конечната анализа на цените во продавниците треба да се добие до крај на месецов, за потоа се преземат мерки.

– Ако нема намалување на цените кај тие што требале да го направат тоа, ќе бидеме принудени да ја укинеме поддршката. Можеби тоа ќе биде селективно – оние што ги намалиле цените и понатаму да ја користат, но не и оние кои не ги намалиле. Подобро е тие пари да ги дадеме како поддршка на ранливите категории на населението – рече Бектеши.

Како што е познато, производителите на храна од јануари може да користат поевтина струја од онаа што е на слободниот пазар, со договори со „ЕСМ продажба“.