Бекер: Честитки, Синер е рака под рака со Ѓоковиќ и со Федерер
Италијанецот е само третиот играч во историјата што ги освоил Австралија опен, САД Опен и АТП финалето во истата година
Победникот на финалниот тениски Мастерс, Јаник Синер, ја заврши исклучителната сезона 2024 година на АТП календарот.
Препорачано
Актуелниот светски рекет број 1 стана само третиот играч во историјата кој ги освоил Австралија опен, САД Опен и АТП финалето во истата година. Досега само Роџер Федерер и Новак Ѓоковиќ постигнаа ваков огромен подвиг.
– Честитки за Јаник Синер. Тој е во добро друштво – реагираше легендата Борис Бекер.
Новинарот Беноа Мејлин започна дебата за Синер на социјалните мрежи во врска со идната сезона.
– Прашањето што мора да си го поставиме за 2025 година е едноставно. Со оглед на неговата сезона (70 победи, 6 порази, 8 титули), со оглед на возраста на Ѓоковиќ, со оглед на просечното ниво на останатите од топ 10, со оглед на тоа што тој нема мани, дали Синер може да ги освои четирите грен-слем титули во истата сезона, прашува новинарот.
За потсетување, ниеден тенисер не ги освоил сите четири грен-слем титули во една сезона од Род Лејвер во 1969 година.
