Борис Бекер, поранешен германски тенисер, изјави дека Карлос Алкараз е најдобриот тенисер на сите времиња.

Шпанецот Алкараз неодамна го победи Јаник Синер од Италија во финалето на Ролан Гарос и стигна до својата петта титула на грен слем турнирите.

Ова не остана незабележано од Бекер, кој доста го пофали Алкараз и шокираше многумина со таа изјава.

– Варијација, моќ, чувство за топката. Не познавам ниту еден играч во историјата кој ја има таа комбинација. За мене, Алкараз е најдобриот тенисер на сите времиња – рече Бекер.

Да ве потсетиме дека Бекер е поранешен тренер на српскиот тенисер Новак Ѓоковиќ, но тој е навистина воодушевен од Алкараз:

– Кога е предизвикан, кога е мотивиран, ја крева својата игра на толку високо ниво што ниту еден друг тенисер во светот не може да го достигне. За мене, тој е гениј – вели Бекер.