Бејл веднаш ќе добие нова улога во репрезентацијата на Велс
Герет Бејл пред неколку дена изненадувачки на 33 години објави крај на кариерата, меѓутоа многу брзо селекторот на Велс Роберт Пејџ најави дека тој ќе добие нова улога во репрезентацијата.
Препорачано
Засега не се открива каква ќе биде новата улога на Бејл и за тоа треба да се зборува во наредните денови, но како и да е Пејџ сака да го има Бејл во репрезентацијата.
„Кога имате така голем играч како Герет Бејл, со толку големо искуство зад себе и се што направи за Велс тој помага дури и кога е само во близина на соблекувалната. Ќе разговараме во наредните денови и ќе видиме каква улога ќе добие. Неговата кариера беше неверојатна, не само од фудбалска гледна точка, туку и го врати Велс на фудбалската мапа во светот“, изјави Пејџ.
Кариерата Бејл ја започна во Саутемптон од каде што по само една сезона (2006/2007) се пресели во Тотенхем каде што играше од 2007 до 2013 година. Таа 2013 година направи голем трансфер во Реал Мадрид, а во 2020 како позајмен играч се врати во Лондон. Кариерата ја завршува во МЛС во тимот на Лос Анџелес каде што настапува од 2022 година.
