Џесика Смит, која го отелотвори Сонцето во куклената серија „Телетабиси“, се породила, пишува „Дејли мејл“.

Таа и нејзиниот долгогодишен партнер Рики Латам го добиле своето прво дете, а радосната вест ја сподели на својот Инстаграм профил. Засега не го открила полот и името на бебето.

На фотографијата се гледа рака на новороденче, а многу луѓе ѝ честитаа во коментарите.

– Цела недела со тебе – напишала Џесика со фотографијата.

„Ќе бидеш одлична мајка, честитки!“, „Уживајте во вашата љубов“, напишале следбениците.

Инаку, Џесика имала девет месеци кога продуцентите на „Телетабиси“ ја откриле и решиле да ја вработат. До деветнаесеттата година таа успешно го криела својот идентитет, а една од причините за откритието било тоа што многу лажни луѓе се претставувале како неа. За нејзината улога добила околу 2.000 куни и кутија играчки во тоа време.

Џесика подоцна откри зошто одлучила јавно да објави дека го отелотворила Сонцето.

– Откако го прославив мојот 19 роденден и долго размислував, решив да им кажам на сите. Порано ја криев вистината, но моите пријатели на универзитетот ме охрабруваа да откријам дека јас всушност сум Сонцето од „Телетабиси“ – признала Џесика.