По пауза од шест години, екипата на Барселона повторно се враќа на азискиот континент, каде ќе ја одработи летната турнеја како дел од подготовките за новата сезона.

Каталонците ќе одиграат три контролни натпревари, а како што пренесува шпанскиот „Мундо Депортиво“, првиот натпревар ќе го имаат на 27 јули во Јапонија против Висел Кобе. Потоа, Барса патува во Јужна Кореја, каде ќе ги одмери силите со екипата на Сеул на 31 јули, додека последниот натпревар од азиската турнеја е закажан за 4 август против Даегу.

Каталонскиот гигант последен пат на турнеја низ Азија беше под водство на Ернесто Валверде во 2019 година.