Во едно од највозбудливите изданија на „Ел Класико“ во последните години, Барселона во неделата попладне славеше со 4-3 против Реал Мадрид и така практично ја обезбеди титулата во шпанската Ла Лига, а покрај триумфот, клубот испиша историја и со финансиите.

Како што пренесуваат каталонските медиуми, натпреварот одигран на „Монжуик“ донел рекордна заработка во историјата на клубот од еден домашен натпревар, вкупно 13,8 милиони евра од продажба на влезници и ТВ-права.

Овој финансиски успех се должи и на одлуката на Ла Лига натпреварот да започне во 16:15 часот, термин кој овозможи „Ел Класико“ да се следи во речиси сите светски временски зони.

На трибините беа присутни точно 50.318 гледачи, кои имаа можност да сведочат на вистински спектакл. За Барселона погодуваа Ерик Гарсија, Ламин Јамал и Рафиња двапати, додека на спротивната страна хет-трик запиша Мбапе.

ВИДЕО | Барселона поблиску до титулата во Ла Лига по триумфот над Реал Мадрид