
Барселона има замена за Кике Сетиен!?
Лоран Блан може да го замени Кике Сетиен како главен тренер во Барселона, пренесува „Мундо Депортиво“.
Препорачано
-
1
-
2
-
3
54-годишниот Французин беше понуден на Каталонците од менаџерот Жорже Мендеш и може да ја преземе функцијата пред реваншот со Наполи во осминафиналето на Лигата на шампионите на почетокот од август.
Laurent Blanc Offered As Setien Replacement At FC Barcelona By Super Agent Mendes, Claims Report https://t.co/M2wiZ3JONx
— Justin Crawford (@mayflowerremod) July 18, 2020
Раководството на Барса се очекува да ја реши судбината на актуелниот тренер Кике Сетиен на почетокот на новата недела, откако притисок за негово разрешување изврши и капитенот Лионел Меси, кој повика на промени по поразот од Осасуна во четвртокот.
Каталонскиот клуб ја загуби титулата од Реал Мадрид на едно коло до крајот на првенството, не успеа да го освои ниту Купот, ниту Суперкупот во Шпанија, а во Лигата на шампионите одигра 1:1 со Наполи во првиот натпревар од осминафиналето во февруари.
Блан е без функција од 2016 година кога го напушти Пари Сен Жермен. Претходно беше селектор на репрезентацијата на Франција и воедно го водеше Бордо. Како фудбалер играше за Барселона во сезоната 1996/97.