После катастрофата во четвртфиналниот натпревар од Лигата на шампионите, продолжува и натаму болката на Барселона.

Според клаузулата во договорот на Филипе Кутињо, Каталонците мора да му платат додатни пет милиони евра на Ливерпул доколку Бразилецот со Баерн ја освои титулата во ЛШ.

Барса беше понижена во Лисабон, а веќе се шпекулираат неколку кандидати за наследник на досегашниот тренер Кике Сетиен.

Кутињо кој „не се снајде“ најдобро на Камп Ноу, учествуваше во спектакуларната победа од 8:2 над својот матичен клуб со два гола и една асистенција.

„Сол на раната“ би можел да додаде бразилскиот интернационаец кој игра како позајмен фудбалер во Баерн од Барса.