На судењето на Шон Диди Комбс, познатиот американски музички могул, беа презентирани шокантни детали за консумирање дрога, сексуална експлоатација и физичко насилство, а меѓу побизарните моменти, се издвои и неочекуваното споменување на поранешниот претседател Барак Обама.

Поранешниот личен асистент на Диди, Дејвид Џејмс, сведочеше на суд во вторникот за навиките на познатите личности кои учествувале во таканаречените „фрик-оф“ забави – приватни собири каде што се консумирала дрога и се одвивале сексуални настапи.

Џејмс рече дека познатите личности земале разни таблети, вклучувајќи „перкосет“ и екстази. Во еден момент, тој спомена дека тие земале и „апчиња во облик на лицето на поранешниот претседател Барак Обама“, иако конкретно изјави дека Обама никогаш не присуствувал на тие забави. Според сведочењето на Џејмс, Диди земал големи количини лекови и дроги секој ден.

„Тој земаше апчиња за отфрлање вода (за слабеење), вијагра, апчиња за зголемување на бројот на сперматозоиди“, рекол Џејмс.

Тој тврди и дека преку ден, Диди земал „перкосет“, а навечер преминувал на екстази.

Џејмс плачеше додека опишуваше како често бил задолжен за организирање сексуални настапи што Диди ги нарекувал „фрик-оф“. Тој призна и дека еднаш зел екстази на една од тие забави, а Диди наводно го снимил тоа и се заканил јавно да го засрами.

Тој, исто така, се потсети на своите почетоци во компанијата на Диди, „Бед бој ентртејнмент“. Еден од раководителите, тврди тој, му рекол: „Ова е царството на г-дин Комбс. Сите сме тука да му служиме.“

ФОТО | За првпат објавени фотографии од хотелската соба на Диди каде е уапсен: Бебешко масло, лубриканти и дрога