Можеби звучи неверојатно, но веќе во 1953 година, една регионална италијанска банка почна да прима необична гаранција за заеми за мали бизниси: џиновски пити сирење пармезан- Пармиџано Реџиано- пишува Политика. Питите пармезан се чуваат во климатизирани трезори додека малите производители не го вратат кредитот.

Како што објаснија за италијанските медиуми во оваа банка, за некои можеби е апсурдно, но за нив има и смисла бидејќи тој квалитетен производ трае долго, а неговата цена само се зголемува со текот на времето. Се вели дека ова е исклучително значајно за вредните млечни фармери во регионот Емилија Ромања во северна Италија.

Како што објави „Форбс“ уште во 2015 година, покрај тоа што го чува сирењето како гаранција за заемот, банката чува сирење во посебни трезори со климатизација за време на траењето на заемот. Во исто време, производителите заштедуваат на оперативните трошоци, а банката има корист од стекнувањето одредени знаења за оваа ризична индустрија.

Пармезанот е тврдо, зрнесто сирење од кравјо млеко со силен вкус. Старее најмалку 12 месеци, а понекогаш и до 36 години. Според строгите закони за производство, името Пармиџано Реџиано се однесува на специфичен вид пармезан сирење произведен во Италија според строгите закони за производство. Ова сирење потекнува од градот Парма, по што го добило своето име. Од 1996 година, според италијанските закони, ѝ е доделен статус на заштитена географска ознака на Европската унија.

Вредноста на пита сирење од 36 килограми е приближно меѓу 900 и 1.500 долари, што објаснува зошто банката сите овие години била заинтересирана да ги кредитира производителите на овој начин. Но, посочуваат дека не било секогаш така едноставно и дека имало многу непредвидени ситуации како и инвестиции од двете страни.

Италијанскиот пармезан е едно од најпознатите сирења во светот, што исто така води до бројни фалсификати. Минатата година, производителите објавија дека нашле нов начин да го заштитат својот производ. Здружението „Пармиџано реџиано конзорциум“ соопшти дека почнало да става микрочипови во декларацијата како начин за борба против конкуренцијата.

Како што објавија медиумите, под посебна заштита определена од Европската унија, Пармиџано реџиано е единствениот вид сирење во Европа што може да се нарече пармезан и мора да се произведува на северот на Италија.

Здружението се надева дека ќе го заштити својот бренд со новата технологија. Микрочиповите се со големина на зрно сол и се вметнуваат во етикетите што се наоѓаат на кората од сирењето. Чиповите може да се скенираат со QR код за храна.

Претседателот на здружението, Никола Бертинели, рече дека благодарение на безбедносните дигитални етикети на питите сирење, сега производителите можат да гарантираат квалитет за потрошувачите.

– Од своето основање во 1934 година, нашето здружение се обидува да го заштити својот производ од конкуренција што пласира слични производи на пазарот, а не ги исполнува нашите строги критериуми поврзани со начинот на производство и потеклото – рече Бертинели.