Возачот на „Дукати“, Франческо Бањаја, славеше пред домашните навивачи на Големата награда на Италија во Муџело.

Бањаја стартуваше од петтата позиција и по многу борби и заобиколувања успеа да стигне до лидерската позиција и да триумфира, пред актуелниот шампион Фабио Квартараро во „Јамаха“ и Алеш Еспаргаро во „Априлија“.

Во генералниот пласман Квартараро успеа да ја зголеми предноста и моментално има 122 бодови, осум повеќе од Еспаргаро, додека на третото место е Анеа Бастианини со 94 бодови. Франческо Бањаја е четврти со 81 бод.

Кај конструкторите води „Дукати“ со 181 бод, пред „Јамаха“ со 122, а третопласирана е „Априлија“ со 115.

Следната трка во рамките од Мото ГП шампионатот ќе се вози на 5 јуни во Шпанија за Големата награда на Каталонија.