Бајненс, водечкиот глобален блокчејн екосистем зад најголемата берза на криптовалути во светот по обем на тргување и регистрирани корисници, објави дека им овозможува на корисниците брзо и едноставно купување крипто преку Епл Пеј и Гугл Пеј.

Оваа погодност е резултат на интеграцијата со Ворлдпеј, водечка компанија за платежна технологија, што дополнително го подобрува пристапот на Бајненс до криптовалутите, обезбедувајќи им на корисниците полесен начин за плаќање и поголема удобност при вршење трансакции.

Епл Пеј и Гугл Пеј се популарни начини на плаќање што веќе им се добро познати на корисниците на Бајненс. Корисниците кои веќе имаат кредитни или дебитни картички поврзани на Епл Пеј и Гугл Пеј сервисот, можат веднаш да почнат да купуваат криптовалути преку апликацијата или онлајн на платформата Бајненс, користејќи фиат валута за финансирање на нивните купувања.