Актуелниот претседател на Меѓународниот олимписки комитет (ИОК), Томас Бах доби нов мандат и ќе остане на чело на најважната спортска организација со 2025 година. Бах беше единствен кандидат и на Собранието на ИОК кое се одржа преку видеоконференција и доби 93 од 94 гласови.
– Од срце ви благодарам на големата доверба – изјави 67-годишниот Бах чиј досегашни осум години на чело на ИОК ги одбележа скандалот со рускиот системски допинг како и првото одложување на Олимписките игри во мирнодропски времиња.

Поранешниот олимписки шампион во мечување исто така изјави дека Токио е „најдобро подготвениот олимписки град во историјата“ и уште еднаш потврди дека 23. јули годинава ќе започнат Олимпписките игри.
– Не е прашање дали ќе се одржат, туку како ќе се одржат Олимписките игри – изјави Бах.
Томас Бах е на чело на ИОК од 2013 година кога го наследи Жак Рог.