Тотенхем минатата сезона играше во финалето на ЛШ, а сезонава по две кола сè уште нема победа. Европскиот вицешампион е убедливо поразен од Баерн Минхен со 2:7 среде Лондон. Англискиот тим одлично го започна натпреварот и по 12. минути игра имаше водство благодарение на голот на Кореецот Сон.

Но, одговорот на Баерн беше брутален, постигна четири гола преку Кимих, Левандовски и Гнабри (2 гола). Кејн од пенал во 61. минута намали на 2:4, но Гнабри и Левандовски го понижија Тотенхен. Вистински јунак е Серж Гнабри кој постигна четири голови.

Убедлив настап имаше и Јувентус кој релативно лесно со 3:0 го победи Баер Леверкузен. Бернардески, Игуаин и Роналдо беа стрелци на головите за „старата дама“.
Манчестер сити со голот на Стерлинг во 66. минута оствари минимален триумф над Динамо Загреб, а
Атлетико Мадрид како гостин со 0:2 славеше над Локомотив Москва.

Најголеми возбудувања имаше во Белград каде Црвена звезда со пресврт дојде до голема победа од 3:1 над Олимпијакос. Семедо му донесе предност на грчкиот тим во 37 минута, но во второто полувреме, „црвено-белите“ направија целосен пресврт. Прво Вулиќ во 63. минута израмни, а потоа Милуновиќ и Боакје во самиот финиш постигнаа голови за важна победа на српскиот тим.

Резултати:
Аталанта – Шахтјор 1:2
Реал Мадрид – Бриж 2:2
Црвена звезда – Олимпијакос 3:1
Галатасарај – ПСЖ 0:1
Јувентус – Баер Леверузен 3:0
Локомотив Москва – Атлетико Мадрид 0:2
Манчестер сити – Динамо Загреб 1:0
Тотенхем – Баерн Минхен 2:7