Бадемот е коскесто овошје, иако повеќето го класифицираат како јаткаст плод. Спаѓа во омилените грицки, но и храна која е исклучително богата со витамини и минерали и како таква е здрава за консумација, која подразбира умереност, пишува „Е-клиника“.

Бадемите се одличен извор на витамин Е и манган

Постојат два вида бадеми – слатки и горчливи. Горчливите не се погодни за јадење поради содржината на цијановодородна киселина, која се неутрализира при понатамошна обработка, на пример во процесот на правење бадемово млеко. Слатките бадеми се одличен извор на протеини, здрави масти, минерали и витамини. На пример, 100 грама бадеми содржат дури 140 отсто од препорачаната дневна количина на манган, 75 отсто магнезиум, 60 отсто бакар, 50 отсто фосфор и 51 отсто рибофлавин (витамин Б2).

Во количина од 100 грама бадеми има 131 процент од дневната потребна количина на витамин Е, кој е важен антиоксиданс. Бадемите се богати со влакна и аминокиселини, а во лушпата, односно мембраната на бадемот има дури и флавоноиди. Тоа е фитонутриент, кој кога се комбинира со витамин Е го удвојува неговото антиоксидантно дејство. Бадемите содржат и мононезаситени масни киселини.

Кои се здравствените придобивки?

Истражувањата покажуваат дека консумацијата на бадеми благотворно делува на заштитата од срцев и мозочен удар. Може да влијае и на намалување на нивото на лошиот холестерол. Бадемот учествува во регулирањето на наглите скокови на нивото на шеќер во крвта и спречува негативни последици.

Бадемите се составен дел на многубројните режими за намалување на килограми бидејќи го зголемуваат чувството на ситост и влијаат на подобра апсорпција на мастите во организмот. Спречува формирање на камења во жолчното кесе. Поради содржината на антиоксиданси, тој е ефикасен во детоксикација. Кај некои луѓе бадемот ги неутрализира металоидите. Умереното консумирање бадеми има корисен ефект врз нервниот систем и ја подобрува функцијата на мозокот.

Како бадемите го намалуваат ризикот од срцев удар?

Бадемите се богати со мононезаситени масни киселини, кои се важни за спречување на срцев удар. Одредени студии покажаа дека секојдневното консумирање на умерено количество бадеми доведува до намалување на ризикот од срцев удар помеѓу 30 и 45 проценти.

Дејството на мононезаситените масни киселини го засилува витаминот Е, како и групата минерали и витамини со кои се богати бадемите. Истражувањата исто така докажаа дека ваквото заедничко дејство на комбинација на масни киселини од банани, витамини и минерали може да помогне да се намали лошиот холестерол за 8 до 12 проценти.

Колку бадеми дневно се безбедни за јадење?

Нутриционистите препорачуваат една шака (околу 30 грама) како идеална дневна количина на бадеми. Иако е докажано дека е здраво, не треба да се консумира повеќе бидејќи може да предизвика гасови, надуеност и дијареа. Ако го јадете во такви количини, кои се сметаат за умерени, директно ќе влијаете на намалувањето на холестеролот, појак кардиоваскуларен систем, срцето и вените.

Доколку бадемите ги предизвикуваат споменатите негативни ефекти, навечер натопете ги во вода и оставете ги преку ноќ. На овој начин ќе влијаете на разградување на одредени ензими, па полесно ќе ги сварите.

Зрното бадем не смее да се витка под прстите и да има сладок мирис. Исто така, премногу горчлив и остар вкус нè предупредува дека бадемот е расипан.