Австрискиот парламент донесе одлука со која се овозможува евтаназија на тешко болни лица.

Според новиот закон, кој е донесен врз основа на препораките на Уставниот суд, останува забрането убиство на лице по негово барање, но можно е да се обезбеди помош при умирање, пишува Танјуг.

Така, на тешко или неизлечиво болните лица, кои се полнолетни и способни да одлучуваат, им се дава можност да побараат помош за ставање крај на својот живот.

Предуслов за добивање на таа помош е тој што сака да умре за се целосно да биде информиран од страна на докторот, односно да биде информиран дека болеста е утврдена.