Српскиот тенисер Новак Ѓоковиќ се пласираше во четвртфиналето на Австралија опен победувајќи го чешкиот Јиржи Лехечка со 3:0 (6:3, 6:4, 7:6).

Ѓоковиќ имаше контрола во текот на целиот меч и големата разлика во неизнудените грешки го диктираше темпото на дуелот и му го отвори патот на Србинот да ја продолжи борбата за 11-та титула на Австралија опен.

Единствените проблеми на Ѓоковиќ се забележани во последниот сет кога Лехечка одлично сервираше и успеа да го одведе мечот во тај-брејк. Сепак, српскиот тенисер не се предаде, па по два часа и 40 минути славеше.

Ѓоковиќ во четвртфиналето ќе се соочи со Шпанецот Карлос Алкараз, кој го совлада Џек Дрејпер откако британскиот тенисер се предаде.

Позната е уште една четвртфинална двојка во машка конкуренција, Американецот Томи Пол ќе игра против Александер Зверев од Германија.

Кај жените исто така се познати две четвртфинални двојки, Арина Сабаленка ќе се соочи против Анастасија Пављученкова, додека Коко Гоф од САД за противничка ја има Паула Бадоса од Шпанија.