Девизните резерви на Авганистан главно се чуваат на сметки во странство, а централната банка остана и без готовина која пристигнуваше на секои неколку недели, соопшти пребеганиот гувернер на банката Аџмал Ахмади.

Централната банка под своја контрола има околу девет милијарди долари, од тоа седум се во готовина, злато, обврзници и други финансиски инструменти кои се чуваат во американската централна банка, пишува Ахмади на Твитер.

Според тоа, сега на талибанците им се достапни само 0,2 отсто од износот на девизните резерви на земјата.

Вашингтон нема да им ги стави на располагање на талибанците средствата на авганистанската влада што се чуваат во САД, изјавил за Ројтерс неименуван член на американската администрација.