Фудбалерите на Аугсбург и Фрајбург ремизираа со конечен резултат 0:0 во натпреварот од 24. коло во најсилното германско првенство.

Со ова беше прекината серијата на гости од четири последователни победи во првенството.

Од друга страна, домашните петти пат во низа останаа непоразени, но во таа серија имаат само еден триумф.

Аугсбург вечерва беше поблиску до победа, имаше неколку добри шанси, најдобрите преку центарфорот Филип Тиќ, но голманот на Фрајбург, Ноа Атуболу беше одличен и успеа да ја зачува мрежата.

По освоениот бод, Фрајбург е на петтото место со 40 бодови, додека Аугсбург е на 11 место и осум бода помалку од вечерашниот ривал.