Советникот од редовите на ВМРО-ДПМНЕ во Советот на Град Скопје, Стефан Андоновски, вечерва изјави дека над 90% од програмата на градоначалничката Данела Арсовска била напишана од експерти и луѓе ангажирани од најголемата опозициска партија.

-Сметавме дека градоначалничката како профил и образование, може да се носи со предизвикот да биде главен менаџер на градот. Реализацијата на проектите можевме да ја видиме по третиот или четвртиот месец. По одредено време, видовме дека проектите стојат, реализацијата е мала, ситуациите се блокирани и видовме дека мора да бараме алтернатива како да си ги реализираме проектите. Видовме дека тоа не функционира и го задржуваме правото кое што го имаме од првата седница – дека ќе критикуваме тоа што не го бива. Граѓаните да бидат мирни, сите проекти кои што сме ги ветиле, планираме да ги испорачаме“, рече Андоновски и додаде:

-Како градоначалник Арсовска „од дрвата не ја гледа шумата“ и постојано се занимава со ситници, а не со проекти. Треба да размисли за понесување одговорност или оставка, рече Андоновски.