Арслан: Мора да го почитуваме Хегелман, без разлика на резултатот од првиот меч
Шкупи во првиот натпревар од првото квалификациско коло во Конференциската лига триумфираше убедливо со 0:5 против Хегелман во Литванија.
Препорачано
Македонскиот фудбалски претставник останува в четврток на реваншот од 21.00 часот да го потврди пласманот во второто коло каде чека Левски Софија од Бугарија.
Тренерот на клубот од Чаир, Чихат Арслан го почитува противникот без разлика на резултат од воведните 90 минути.
– Првиот натпревар го добивме со 5:0, тоа беше прекрасен резултат каде блескаше Цефас. Имавме малку потешкотии на враќање, бидејќи тоа беше долго патување и секако бевме малку уморни, па за ова време имавме добро закрепнување и сега сме подготвени за реваншот. Без разлика каков резултат имавме на првиот натпревар, мора да бидеме сконцентрирани. Но, видов дека играчите се речиси слободни, па вчера бев должен да одржам состанок. Уште еднаш повторувам дека ова е важен настан и мора сериозно и дисциплинирано да го извлечеме најдобриот можен резултат во реваншот. Мора да го почитуваме противникот, без разлика на резултатот од првиот натпревар. Вториот меч ќе биде многу потежок – изјави Арслан на прес конференцијата.
Напаѓачот на Шкупи, Реналдо Цефас беше одличен во првиот натпревар постигнувајќи четири голови.
– Што се однесува до реваншот, сите играчи се подготвени. Се подготвувавме цела недела, не само физички, туку и психички. Знаеме дека имаме висок резултат, но двомечот сè уште не е завршен. В четврток во натпреварот треба да влеземе како да е 0:0 – се зборовите на Цефас.
