Познатиот актер и поранешен гувернер на Калифорнија Арнолд Шварценегер доживеа сообраќајна несреќа во Лос Анџелес, потврди неговиот портпарол за Би-Би-Си.

Едно лице е повредено во судир на четири возила, потврди полицијата во Лос Анџелес. На фотографиите од местото на настанот се гледа како актерот стои во близина, што значи дека не е сериозно повреден во несреќата.

Од полицијата додаваат дека причина за несреќата не е возење под никаков вид опијати, а никој не е уапсен.

Портпаролот на актерот потврди дека актерот возел џип. Тој додаде дека актерот веднаш по несреќата контактирал со повредениот, како и дека во текот на истрагата соработувал со полицијата.