Популарната пејачка Аријана Гранде (30) и Далтон Гомес (27) се разведуваат. Веста за нивниот развод го потврдија странските медиуми, вклучувајќи ги „Пејџ сикс“.

Извори блиски до Аријана и младиот агент за луксузни недвижности, велат дека тие се разделени уште од јануари, но останале во одлични пријателски односи.

За медиумите, тие откриле дека одлуката да ја започнат постапката за развод ја донеле заедно, бидејќи нивните проблеми започнале уште на почетокот на оваа година.

Гомес ја посетил пејачката на нејзиното снимање на филмот „Wicked“ во Лондон, како последен обид да го спаси нивниот брак, но сепак не успеал во тоа.

„Тие беа навистина добри пријатели во текот на целиот процес, а нивните пријатели и семејства се обидуваа да ги заштитат“, вели извор близок до парот.

Гласините дека парот има брачни проблеми, започнаа викендов, кога Аријана се појави без прстен на раката, на финалето на тенискиот натпревар меѓу Ѓоковиќ и Алкараз на Вимблдон.

Последен пат кога пејачката беше забележана со својот прстен во јавноста, беше во април на концертот на Џеф Голдблум во Лондон.

Инаку, Гомес ја запроси Гранде во декември 2020 година со прстен од бисер и дијамант, кој имал посебно значење за поп-ѕвездата, бидејќи бисерот потекнувал од прстен што и го подарила нејзината баба.

Двојката зпочна да се забавува на почетокот на истата година, а дебитираше во музичкото видео на Гранде и Џастин Бибер „Stuck with U“.

ВИДЕО | „Изгледаш болно“: Аријана Гранде им одговори на оние кои ѝ го критикуваат изгледот