Пејачката Аријана Гранде на социјалните мрежи во неделата се пофали со фотографија од својот нов бисерно дијамантски прстен.

Пејачката (27) на својот профил на Инстаграм сподели фотографија од масивен прстен на венчалниот прст а под фотографијата напиша „Засекогаш и после тоа“. Гранде сподели уште неколку фотографии со момчето Далтон Гомез, потврдувајќи ја веста за нивната свршувачка.

„Честитки за овие две неверојатни души. Ари ве сакаме и не можеме да бидеме посреќни за вас. Далтон ти си среќен човек“, коментираше менаџерот на пејачката, Скутер Браун.

„Јејјјјјј!!!! Многу сум среќна за вас дечки“, напиша Хејли Болдвин.

Изминатиов период американските медиуми пишуваа за врската на Аријана со Гомез, но никој не знаеше со сигурност како се одвива и кои се нивните планови затоа што парот не споделуваше многу информации во јавноста.

Во август пејачката му посака среќен роденден на своето момче споделувајќи заеднички фотографии и видеа од нив.

„Среќен роденден на мојата љубов, мојот најдобар пријател, мојот омилен дел од сите денови… те сакам“, напиша таа.

Гранде и Гомез се зближиле за време на пандемијата на коронавирусот и поголемиот дел од карантинските денови ги поминувале заедно. Според странските медиуми парот почнал да се забавува од јануари.

Гомез е агент за недвижности во групацијата „Aaron Kirman Group“ во Лос Анџелес. Гомез е пет годишен ветеран на пазарот за луксузни недвижности остварувајќи значителни продажби. Тој исто така ја претставува единствената „Oscar Niemeyer House“ во Северна Америка и многу други забележителни дела на архитекти како Неутра, Лотне, А. Квински Џонс и други.

Гранде претходно беше свршена со ѕвездата на „SNL“ Пит Дејвидсон во јуни 2018 година, но тие се откажаа од свршувачката само неколку месеци подоцна.