Новото раководство на европскиот ракометен шампион Вардар предводено од Михајло Михајловски сè уште не заврши со засилувањата и пикира Аргентинец.

Според шпанските медиуми, Вардар е заинтересиран за Пабло Симонет кој настапува за екипата на Енкантада.

Пабло Симонет не е најпознатиот ракометар во своето семејство, негов брат е најдобриот аргентински играч Диего Симонет кој настапува за екипата на Монпелје.

Пабло е среден бек, позиција која остана испразнета откако и Сташ Скубе си замина поради тешката финансиска состојба пред доаѓањето на Михајловски на чело на клубот.

Се очекува во наредните неколку денови да се одржат нови преговори со шпанскиот прволигаш по што конечно ќе се знае далли Пабло Симонет ќе го облече „црвено-црниот“ дрес, а блиску до потпис со Вардар е и македонското репрезентативно крило, Гоце Георгиевски кој си замина од ЧСМ Букурешт.