Денеска фудбалскиот клуб Шкендија ја информираше јавноста дека Ардијан Нухиу повеќе не е тренер на екипата.

Ваквата одлука е донесена по внимателна проценка и отворен дијалог, по што соработката спогодбено беше прекината.

Клубот му се заблагодари на Нухиу за досегашниот придонес и со амбиции да продолжи со добри резултати и во вториот дел од сезоната.

Фудбалерите на Шкендија во последниот натпревар од есенскиот дел во Првата македонска лига триумфираа со 3:1 против Силекс.

Моментно тетовските „црвено-црни“ се на третата позиција со 35 бодови, зад водечката Струга (39) и второпласираниот Шкупи (35). Првиот меч ФК Шкендија во пролетниот дел од шампионатот ќе го има на гостински терен против Македонија ЃП.