Експертот од Институтот за овоштарство во Чачак, Александар Лепосавиќ, денеска изјави дека врнежите од снег и ниските температури во земјата ги загрозиле плодовите кои рано цветаат, особено кајсиите и црешите.

„Снегот предизвика механички оштетувања на растенијата, односно „распаднаа растенијата“, а немаше мрзнење, но доколку температурите бидат ниски во наредните денови, овоштарите ќе имаат проблеми“, изјави Лепосавиќ за новинарите.

Тој додаде дека ако има мраз во следните неколку дена, тој може сериозно да го оштети родот на кајсиите, праските, црешите и сите коскести овошни видови, како сливите и крушите, кои во поголемиот дел од Србија веќе се во цут или во фаза непосредно пред цветање.

Лепосавиќ оцени дека во моментов најмалку се загрозени јаболката и малините, бидејќи сѐ уште не почнале да цветаат.

Тој додава дека ваквото време не е лошо само затоа што овошките можат да замрзнат, туку е погодно за развој на еден вид бактерии.

„Таа бактерија со години прави проблеми, а оваа година временските услови се исклучително поволни за неа, бидејќи беше временска „вртелешка“- прво беше исклучително топло, а сега е студено. Таа бактерија ќе направи огромни проблеми во нашите овошни насади“, рече Лепосавиќ.