Претседателот на Левица, Димитар Апасиев денеска постави спомен-плоча кај Вејце, каде на денешен ден пред 22 години во масакр беа убиени осум припадници на безбедносните сили, а воедно делегацијата на партијата оддаде почит на бранителите.

Советниците на Левица ширум Македонија деновиве поднесоа иницијативи за остварување на правата на бранителите, кои во 2001 година храбро се бореа за зачувување на суверенитетот и територијалниот интегритет на Републиката, соопштија од партијата.

Додаваат дека на 19 јули 2011 година, со толкување на Законот за амнестија, сторителите биле амнестирани од страна на Собранието на Македонија, со гласење на пратениците од владејачката ВМРО-ДПМНЕ и ДУИ, а под силен притисок од странскиот фактор.

Правдата за семејствата на загинатите македонски херои никогаш не пристигна, велат од Левица.